الحجاب يحتاج إلى حجاب

السلام عليكم و رحمة الله و بركاته

لقد انتشر الآن نوع من الحجاب العصري ( على الموضة) و هو بادي و بنطلون و إيشارب صغير ملون و تظن من ترتديه أنها محجبة و قد

أدت ما عليها و تناست شروط اللباس الشرعي للمرأة المسلمة و الغرض الأساسي للحجاب و هو عدم الفتنة و عدم لفت النظر . هذا

الحجاب يحتاج إلى حجاب و إلى وقفة جادة و توضيح أنه ليس بحجاب و توضيح عواقب هذا التبرج السافر في الدنيا و الآخرة .

أدعو الله أن يسترنا و يستر نساء المسلمين فوق الأرض و تحت الأرض و يوم العرض .... آمين

أود أن أسأل من تلبس البادي و البنطلون و تغطي شعرها بغطاء صغير ملون ، هل تستطيعين أن تقابلي رسول الله صلى الله عليه و سلم بهذا

اللباس ؟ أم ستسارعين لتستري نفسك كي لا يراك هكذا ؟ كوني أمينة مع نفسك في الإجابة

سؤال آخر هل تستطيعين أن تقفي بين يدي الله يوم القيامة هكذا ؟ الله سبحانه و تعالى سميع بصير .. ألا تستحي من الله أن يراك هكذا ؟؟؟

أخيتي أسرعي قبل فوات الأوان و أعلني التوبة إلى الله من الآن فلا وقت لنضيعه ، فالتائب من الذنب كمن لا ذنب له ، أسرعي بارتداء

اللباس الشرعي بشروطه المعروفه و لا تسوفي فالموت يأتي بغته و لن ينفعنا أحد يوم القيامة و اذكرك أنه من عاش على شئ مات عليه و

من مات علىشئ بعث عليه

قال تعالى " و سارعوا إلى مغفرة من ربكم و جنة عرضها السموات و الأرض أعدت للمتقين " آل عمران 133

اللهم اجعلنا من المتقين و أسترنا بسترك الجميل في الدنيا و الآخرة يا ستير .... آمين

اللهم اجعلنا ممن يستمعون القول فيتبعون أحسنه .... آمين

أنا محجبة -بعد إيماني بأمر ربنا إن الحجاب فرض على كل مسلمة- علشان الأسباب التالية
*******
1 -

علشان انا حرة.. مش من حق حد يشوف مني اللي مش عاوزاه يشوفه إلا بإرادتي.. ومن حقي اختار مين اللي يشوف مني أجمل ما عندي.. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر
*******
2 -

علشان أنا غالية.. مينفعش أقلل من قيمة نفسي واخليها عرضة لكل العيون.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني.. حتى لو مكنش ده قصدي.. بس مش حقدر امنعه.. كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض.. مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع.. ده يتضمن حتي الزبال اللي بيسوق عربية الزبالة في الشارع.. كل دول بقى من الممكن انهم يبصوا لي.. لأ ده كمان يمكن ماعجبهمش ويدوروا وشهم إعراضاً
*******
3 -

علشان أنا باحترم نفسي.. وشايفة نفسي كبيرة قدام نفسي.. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية
*******
4 -

علشان انا جمالي مش خارجي وبس.. ومن حقي ان اللي ييجي يتجوزني.. واللي حاديله الباقي من عمري.. واللي حديله كل مشاعري.. واللي حاقاسمه أحلامي وأفكاري.. واللي حخلف منه ولادي.. وح اربيهم معاه.. مايختارنيش على مقاييس شكلية وبس.. أو تبقى هي دي العامل الأساسي في أختياره ليا.. علشان كدة مش ضروري يشوفني في كامل زينتي وجمالي قبل ما ي! تجوزني.. الأهم انه يحب روحي ويعجب بشخصيتي.. ويرتاح معايا نفسياً.. أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده.. واللي اختارها علشان جمالها.. ممكن قوي يتجوز عليها واحدة أجمل منها.. لأنه أكيد في الأجمل منها يعني
*******
5 -

علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع.. ويمكن يكون عاوز يقرب من ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني افتنه
*******
6 -
علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية.. فمش ضروري يعني ازود عليه همومه... وأخيِلُه في الرايحة والجاية
*******
7 -
ده غير حاجة مهمة كمان.. الكفن بتاع النساء... فيه حجاب.. فاللي مش ح تلبسه وهي حية بإرادتها طاعة الله.. ح تلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف.. ومحدش حيشوفنا تاني ولا حد حيطمع فينا.. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟
*******

الأسباب اللي فوق دي.. هي اللي فهمتني ليه ربنا فرض علينا الحجاب.. مش تعسير ولا تضييق.. الحجاب فعلا عزة وكرامة.. ميعرفهاش غير اللي داق طعم الستر
ربنا يهدينا ويهدي بنات وشباب المسلمين
*******

الحجاب يحتاج إلى حجاب

الحجاب يحتاج إلى حجاب

رد: الحجاب يحتاج إلى حجاب

رد: الحجاب يحتاج إلى حجاب